“Бирлашган миллатлар ташкилоти Бош Ассамблеяси Ғазо секторида зудлик билан ўт очишни тўхтатиш ва гаровга олинганларни “зудлик билан ва шартсиз” озод қилиш тўғрисида қарор қабул қилди”, – деб хабар бермоқда РИА Новости.

БМТ бир йил олдин ҳам шунга ўхшаш резолюцияни қабул қилган эди, унда анклавда “зудлик билан гуманитар сулҳ”, шунингдек, “барча гаровга олинганларни зудлик билан ва сўзсиз озод қилиш” талаб қилинган эди. “Ғазода ўт очишни тўхтатиш талаби” деб номланган амалдаги резолюцияни 158 та мамлакат маъқуллаган бўлса, 9 та давлат қарши чиққан ва яна 13 таси бетараф қолган.

Бундан ташқари, БМТ Ғазо секторининг тинч аҳолисига омон қолиши учун зарур бўлган асосий хизматлар ва гуманитар ёрдамдан фойдаланиш имкониятини зудлик билан берилишини талаб қилган.

• БМТ
• G‘azo
• тақиқ