Унда жорий мавсум «Энергетик-БГУ» шарафини ҳимоя қилган ҳамюртимиз Бобир Абдихолиқов ҳам эътироф этилди.

Беларус чемпионатининг 2022 йилги мавсумида 26 та гол билан мавсум тўпурарига айланган ва жамоасининг ғалабаларига катта ҳисса қўшган Абдихолиқов лиганинг энг яхши футболчиси деб топилди ва унга махсус соврин топширилди.

Бундан ташқари Бобир чемпионатнинг энг яхши ҳужумчиси, тўпурар совринларини қўлга киритди ва лиганинг «А» рамзий терма жамоасидан жой олди. Шу билан бирга Бобир лиганинг энг фойдали футболчиси деб ҳам топилди.

Маълумот учун, ҳужумчимиз чемпионат давомида 30 та учрашувда рақиблар дарвозасига 26 та тўп киритди ва жамоадошларига 6 та голли пас узатди.

Қайд этиш мумкин, Бобур Абдухолиқов Беларус футболи тарихида бир мавсумда энг кўп гол урган хорижлик футболчи сифатида рекорд ўрнатди. Шунингдек, у «Энергетик-БГУ»нинг бир мавсумда кўп тўп киритиш бўйича рекордчисига айланган.

«Энергетик-БГУ» мавсумни 2-ўринда якунлади. Шу тариқа, минскликлар Европа Конференциялар Лигаси саралашида қатнашиш ҳуқуқини қўлга киритишди.

• Футбол
• Легионерлар
• Хориж