Маълумотларга кўра, Буюк Британия Мудофаа вазирлиги Украина ҳудудига Украина Қуролли кучлари аскарлари ва офицерларини тайёрлайдиган британиялик ҳарбий хизматчиларни жойлаштириш имкониятини ўрганмоқда. Бу ҳақда мамлакат Мудофаа вазирлиги раҳбари Грант Шеппс маҳаллий нашрлардан бирига берган интервьюсида маълум қилди.

“Бугун мен (Британия Бош штаби раҳбарияти билан) келажакдаги машғулотларни (Украина чегараларига) яқинлаштириш, шунингдек, уни Украинанинг ўзига ўтказиш ҳақида гаплашдим. Ўйлайманки, айниқса, мамлакат ғарбий қисмида энди ҳамма нарса кўпроқ маҳаллий даражада амалга оширилишига ишонч ҳосил қилиш имконияти мавжуд ва бу шунчаки машғулот эмас. Биз BAE (Британия мудофаа компанияси) ўз ишлаб чиқаришини мамлакатга кўчираётганини кўрмоқдамиз", дейди Шеппс.

Шунингдек, вазир бошқа NATO давлатлари билан биргаликда Буюк Британия Украина Қуролли кучлари билан ўзаро ҳамкорликни яхшилаш ва уларни алянсга аъзоликка тайёрлаш устида ишлаши кераклигини айтган.

"Мен бошқа компанияларнинг ҳам худди шундай қилишларини ва бунга ҳисса қўшишларини кўришни жуда истардим, шунинг учун ўйлайманки, мамлакатнинг ўзида ҳарбий тайёргарлик ва қурол ҳамда ўқ-дорилар ишлаб чиқаришга ўтиш бўлади", дейди Мудофаа раҳбари.

Нашрнинг эслатишича, ҳозирча NATO давлатларининг ҳеч бири ўлимли можаронинг кучайишига сабаб бўлиши мумкин бўлган украиналик ҳарбий хизматчиларни Украинадан ташқарида тайёрлашни маъқул кўриб, очиқчасига бундай қадам ташламаган.

• Буюк Британия
• Ҳарбий
• Украина