Белгия пойтахтида Швециянинг икки фуқаросини отиб ўлдирган жиноятчи “Исломий давлат” террорчилик гуруҳидан бўлган֪ – деган Белгия федерал прокуратураси вакили Эрик Ван Дуйс.

17 октябрь, сешанба оқшомида Брюсселда террорчилик хавфининг энг юқори даражаси эълон қилинган. Ҳужум қурбонлари Швеция фуқаролари бўлган, буни Белгия бош вазири Александр Де Кроо тасдиқлаган.

Белгия федерал прокуратураси вакили Эрик Ван Дуйснинг сўзларига кўра, ҳужумни содир этган жиноятчи “Исломий давлат” террорчилик гуруҳидан илҳомланган. Ван Дуйс, шунингдек, шаҳар аҳолисини “таҳдид тугамагунча” уйларда қолишга чақирган. Жиноятчи қочишга муваффақ бўлган, уни қидириш ишлари олиб борилмоқда дейилади хабарда.

Ҳужум маҳаллий вақт билан соат 19:00 дан кўп ўтмай, Брюссел шимолида Белгия ва Швеция терма жамоалари учрашиши керак бўлган Қирол Бодуэн стадионида футбол бўйича Европа чемпионатининг саралаш ўйини бошланишидан олдин содир бўлган. Натижада, ҳужум ҳақида хабар берилганидан кейин ва иккала жамоа ва маҳаллий полиция расмийлари билан маслаҳатлашгандан сўнг, ўйин 1:1 ҳисобида тўхтатилган.

• Бельгия
• Отишма
• Швеция