Ислоҳотчилар қаноти номзоди Масуд Пезешкиян ва консерваторлар қаноти номзоди Саид Жалилий Эронда бўлиб ўтган 14-президентлик сайловларининг иккинчи босқичига чиқишди. Бу ҳақда журналистларга Ислом Республикаси сайлов штаби вакили Моҳсен Эслами маълум қилган.

Овозларни ҳисоблаш жараёни якунлангандан сўнг, мамлакат бўйлаб очилган 59 мингта сайлов участкасида 24 535 185 та бюллетень сайловчиларга тақдим этилган.

Сайлов бюллетенларини қайта ишлагандан сўнг, Масуд Пезешкиян 42,5 фоиз овоз, яъни 10 415 191 овоз билан пешқадамликни қўлга киритган. Ўз навбатида, консерваторлар қанотидан номзод Саид Жалили 9 473 298 овоз тўплаган ва овоз беришнинг биринчи турини 38,6 фоиз натижа билан иккинчи ўринда якунлаган.

Шундай қилиб, ислоҳотчиларнинг ягона номзоди Пезешкиян ва консерватив Жалилий бугун, 5 июль куни бўлиб ўтадиган президентлик сайловларининг иккинчи босқичида ўзаро курашади.

• Eron
• Ibrohim Raisiy
• Президент
• saylov