Саудия Арабистони яшил майдонларида ўтказилаётган U-17 Осиё кубогининг ярим финал ўйинларига старт берилди. Бугун босқичнинг иккала ўйини ҳам бўлиб ўтади. Тошкент вақти билан соат 19:00 да мезбон Саудия Арабистони U-17 термаси Жанубий Кореяга қарши, соат 22:15 да эса Ўзбекистон ёшлари Шимолий Кореялик тенгдошларига қарши баҳс бўлиб ўтади.

Ўзбекистон U-17 терма жамоаси ярим финалга қадар Таиланд (4:1), Хитой (2:1), Саудия Арабистони (3:0) ва БАА (3:1) терма жамоаларини мағлубиятга учратди.

Шимолий Корея вакиллари эса гуруҳда Эрон (1:1), Уммон (2:2) жамоалари билан дуранг, Тожикистонга қарши 3:0 ҳисобида ғалабали натижа қайд этишди. Чорак финал баҳсида Индонезиялик ёшларни йирик 6:0 ҳисобида мағлуб этишди.

• Футбол
• Ўзбекистон