Белгиланган меъёрларга кўра, иситиш мавсуми ўртача суткалик ҳаво ҳарорати +8 даражадан юқори бўлган 5 кунлик давр тугаган куннинг эртасидан бошлаб тугайди.

Сўнгги ҳафта давомида Тошкентда кундуз кунлари ҳаво ҳарорати +18-19 даража ва ундан юқори, кечалари эса +8 даражадан пастга тушмаяпти.

Гидрометеорология марказининг прогнозига кўра, яқин 5 кун ичида кундузги ҳаво ҳарорати +20-22 даража, кечаси эса +10 даражадан юқори бўлади.

“Айни пайтнинг ўзида ҳам пойтахтда ўртача суткалик ҳарорат +12-13 даражадан ошган, бу иситиш мавсумини якунлаш учун белгиланган меъёрларга мос келади. Юқоридагилардан келиб чиқиб, 2024-2025 йиллардаги иситиш мавсуми расман 2025 йил 18 мартда якунланишини маълум қиламиз”, – дейди Тошкент шаҳар ҳокимлиги матбуот хизмати.

• Qish mavsumi