Тошкент шаҳар ҳокимлиги пойтахт аҳлини метрополитен ер усти линиясининг “Дўстлик-Қўйлиқ” ва “Олмазор-Сергели” йўналишларидаги 19 та бекатига ном қўйиш учун овоз беришга таклиф қилди.

Овоз бериш жорий йилнинг 4 апрель кунидан 18-апрелга қадар geonom.tashkent.uz сайтида давом этади.

Метро бекатлари номлари бўйича ўтказилган овоз бериш натижалари Транспорт вазирлигига тегишли таклифларни тайёрлаш ва кейинчалик уларни Вазирлар Маҳкамасига қарор қабул қилиш учун киритишга тақдим этилади.

Эслатиб ўтамиз, ушбу 19 та бекатга ном таклиф қилиш ўтган йили 5-декабр куни бошланган эди. Ўтган вақт давомида сайтда аҳолининг таклифлари йиғилди. Давлат бошқаруви ва маҳаллий давлат ҳокимияти органлари, тарихчилар, филологлар, ўлкашунос, топонимист, блогерлар ҳамда тегишли фаолият соҳаларида махсус билимларга эга бўлган экспертлардан иборат Ишчи гуруҳ келиб тушган таклифлардан ҳар бир бекат учун 3 тадан номни танлаб олди ва бу номлар онлайн овоз беришга қўйилди.

• Метро
• Metropoliten