Маълумотларга кўра, 35 ёшли аёлнинг фотосуратларига махсус дастур ёрдамида қайта ишлов бериб, тарқатиш билан қўрқитиб, пул талаб қилган кибертовламачи қўлга олинган.

Бухоро вилояти Когон туманида яшовчи 35 ёшли (аёл) К.З. ариза билан мурожаат қилиб, Telegram мессенжерида “!!!??” номли профил эгаси К.З.нинг турли фотосуратлари ва беҳаё тасвирларини интернет ижтимоий тармоғи орқали тарқатиб юбориш билан қўрқитиб, тарқатмаслик эвазига пул талаб қилаётганлигини маълум қилган.

Киберхавфсизлик бўлинмалари томонидан ўтказилган тезкор-қидирув тадбирлари натижасида, мазкур жиноятни Бухоро вилояти, Когон туманида яшовчи 19 ёшли талаба Т.Б. содир этганлиги аниқланган.

Гумонланувчи сифатида тергов органларига жалб этилган Т.Б. K.З.гa Телеграм мессенжерида “!!!??” профили орқали ёзиб, пул ишлаш мақсадида К.З.нинг профилидаги расмларига махсус дастур ёрдамида қайта ишлов бериб, яланғоч ҳолдаги беҳаё тасвирлари борлигини айтиб, уларни ижтимоий тармоқларга тарқатиб шарманда қилиш билан уни қўрқитган. Фотосуратларни тарқатиб юбормаслик эвазига ундан 200 АҚШ доллари миқдорида пул талаб қилган.

Гумонланувчи Т.Б. “ХХХ” номли автомобилларга ёқилғи қуйиш шохобчаси яқинидаги бекат олдида К.З.дан 2.500.000 сўм пулларни олган вақтида далилий ашёлар билан ушланди.

Мазкур ҳолат юзасидан Ўзбекистон Республикаси ЖКнинг 165-моддаси 1-қисми билан жиноят иши қўзғатилиб, Т.Б.нинг содир этилиб фош этилмай қолган бошқа шу турдаги жиноятларга алоқадорлиги юзасидан тезкор-суриштирув ишлари олиб борилмоқда.

Қонунга мувофиқ, Ўзбекистон Республикаси Жиноят кодексининг 165-моддаси 1-қисмидаги жиноий хатти-ҳаракатлар учун 3 йилдан 5 йилгача озодликдан маҳрум қилиш жазоси назарда тутилган.

Фотосуратларни ижтимоий тармоқларга тарқатмаслик эвазига 200 АҚШ доллари талаб қилган – Киберхавфсизлик хизмати

Маълумотларга кўра, 35 ёшли аёлнинг фотосуратларига махсус дастур ёрдамида қайта ишлов бериб, тарқатиш билан қўрқитиб, пул талаб қилган кибертовламачи қўлга олинган.

Бухоро вилояти Когон туманида яшовчи 35 ёшли (аёл) К.З. ариза билан мурожаат қилиб, Telegram мессенжерида “!!!??” номли профил эгаси К.З.нинг турли фотосуратлари ва беҳаё тасвирларини интернет ижтимоий тармоғи орқали тарқатиб юбориш билан қўрқитиб, тарқатмаслик эвазига пул талаб қилаётганлигини маълум қилган.

Киберхавфсизлик бўлинмалари томонидан ўтказилган тезкор-қидирув тадбирлари натижасида, мазкур жиноятни Бухоро вилояти, Когон туманида яшовчи 19 ёшли талаба Т.Б. содир этганлиги аниқланган.

Гумонланувчи сифатида тергов органларига жалб этилган Т.Б. K.З.гa Телеграм мессенжерида “!!!??” профили орқали ёзиб, пул ишлаш мақсадида К.З.нинг профилидаги расмларига махсус дастур ёрдамида қайта ишлов бериб, яланғоч ҳолдаги беҳаё тасвирлари борлигини айтиб, уларни ижтимоий тармоқларга тарқатиб шарманда қилиш билан уни қўрқитган. Фотосуратларни тарқатиб юбормаслик эвазига ундан 200 АҚШ доллари миқдорида пул талаб қилган.

Гумонланувчи Т.Б. “ХХХ” номли автомобилларга ёқилғи қуйиш шохобчаси яқинидаги бекат олдида К.З.дан 2.500.000 сўм пулларни олган вақтида далилий ашёлар билан ушланди.

Мазкур ҳолат юзасидан Ўзбекистон Республикаси ЖКнинг 165-моддаси 1-қисми билан жиноят иши қўзғатилиб, Т.Б.нинг содир этилиб фош этилмай қолган бошқа шу турдаги жиноятларга алоқадорлиги юзасидан тезкор-суриштирув ишлари олиб борилмоқда.

Қонунга мувофиқ, Ўзбекистон Республикаси Жиноят кодексининг 165-моддаси 1-қисмидаги жиноий хатти-ҳаракатлар учун 3 йилдан 5 йилгача озодликдан маҳрум қилиш жазоси назарда тутилган.

• Бухоро
• Жиноят
• Киберхавфсизлик
• Surat