Бухоронинг Шофиркон туманида она ўз қизининг юзи, қўли ва баданига қизиган капгир босди. Мазкур ҳолат Болалар омбудсмани томонидан алоҳида назоратга олинган.

Олиб борилган терговга қадар текширув давомида М.Ж. (1990 йилда туғилган аёл) жорий йилнинг 25 октябрь куни уйининг ошхонасида 2015 йилда туғилган қизи Б.А. нинг қўллари ва юз қисмига қизиган ошхона темир “капгири”ни босиб, қизи Б.А. га тан жароҳати етказганлиги аниқланган.

Вояга етмаган қизга нисбатан судга оид тиббий экспертиза тайинланган. Ҳозирда вояга етмаган Б.А. туман тиббиёт бирлашмасига ётқизилиб, унга шифокорлар томонидан зарурий тиббий хизмат кўрсатилмоқда.

Мазкур ҳолат юзасидан Шофиркон туман ИИБ ҳузуридаги ТГ томонидан М.Ж. га нисбатан ЖКнинг 126 (1) моддаси 3 -қисми (Оилавий (маиший) зўравонлик) билан жиноят иши қўзғатилган. Ҳозирда тергов ҳаракатлари олиб борилаётгани маълум қилинди.

Ҳолат юзасидан онага нисбатан Жиноят кодексининг 126-1-моддаси 3 -қисми (Оилавий (маиший) зўравонлик) билан жиноят иши қўзғатилган.

• Бухоро
• Омбудсман