Бош прокуратура ҳузуридаги Департаментнинг Вобкент туман бўлими томонидан вилоят ИИБ ходимлари билан ҳамкорликда тезкор тадбир ўтказилди.

«Ж.Т.» нодавлат таълим муассасаси автомактаби котибаси Э.Г. фуқаро Л.Т.ни ҳайдовчилик гувоҳномасини олиш учун бўлиб ўтадиган имтиҳондан танишлари ёрдамида ўтказиб қўйиши эвазига 700 АҚШ долларини олган вақтида ашёвий далиллар билан ушланган.

Бошқа бир ҳолатда Хоразмда фуқаро Ф.Қ. фуқаролар С.С., Р.А. ва А.А.ни ҳайдовчилик гувоҳномаларини олиш учун бўлиб ўтадиган имтиҳондан танишлари ёрдамида 1 500 АҚШ доллари эвазига ўтказиб қўйишини айтиб, шундан 10,2 млн сўмни бошқа бир фуқаро Ф.Р. орқали олган вақтида ашёвий далиллар билан ушланган.

Маълум қилинишича, мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари олиб борилмоқда.

• Departament
• Ҳайдовчилик гувохномаси