Буюк Британия қироли Карл III Георгнинг тож кийиш маросими ёзнинг биринчи шанбаси, 2023 йил 3 июнь куни Вестминстер аббатлигида бўлиб ўтади. Бу ҳақда Британия расмийларига таяниб, “Bloomberg” хабар бермоқда.

Қайд этилишича, маросим санаси аллақачон аниқланган, аммо бу даврда яна қайси кунлар дам олиш куни деб эълон қилиниши ҳақида мунозаралар давом этмоқда.

Расмий равишда, тож кийиш санаси ҳали эълон қилинмаган, чунки бунга Букингем саройи вакиллари изоҳ беришдан бош тортган.

2023 йил июнь ойида Карл III 74 ёшга тўлади, ундан аввал ҳеч бир Британия монархи бундай кекса ёшда тож киймаган.

Марҳум қиролича – Елизавета II 2022 йил 8 сентябрь куни 96 ёшида Шотландияда жойлашган Бальморалдаги қароргоҳида вафот этди. Унинг дафн маросими 19 сентябрь куни бўлиб ўтди.

Қайд этиш мумкин, Елизавета II дунё тарихида энг узоқ вақт мамлакатни бошқарган ҳукмдорлардан бири саналади. У 1953 йил 2 июнь куни 26 ёшида Вестминстер аббатлигида отаси Генрих VI вафотидан бир йилдан кўпроқ вақт ўтиб, тож кийган эди. Ўшанда маросим биринчи марта тўлиқ ҳолда телевидениеда намойиш этилган.

• Буюк Британия
• Karl III
• Yelizaveta II