“Chevrolet Onix” сотувининг биринчи куни рекорд даражада тузилган шартномалар сони билан якунланди. Бир кун давомида 30 000 га яқин автомобил учун шартнома тузилган бўлса, 28 000 дан ортиғи янги “Chevrolet Onix” учун тузилган.

“Ушбу кўрсаткич “UzAuto Motors” учун мутлақ рекорд. Бу бошқа кунлардаги ўртача шартномалар сонидан қарийб 30 бараварга кўп бўлиб, “Chevrolet Onix”нинг мутлақо муваффақиятидан далолат беради”, – дейилади компания хабарида.

Қайд этилишича, мижозларнинг “UzAuto Motors” автомобилларига қизиқиши юқори ва тузилган шартномаларнинг аксарият қисми (61 фоизи) автомобилнинг топ комплектацияси учун тузилган.

Шунингдек, “General Motors” билан 2023 йилга келиб ишлаб чиқариш қувватини 500 000 дона, узоқ муддатли истиқболда эса 1 миллион дона автомобилга ошириш масалалари ишлаб чиқилган.

• Chevrolet Onix
• General_Motors
• ЎзАвто