Тошкент шаҳридаги “Чўпонота” айланма кўпригида таъмирлаш ишлари муносабати билан транспорт ҳаракати чекланди. Бу ҳақда пойтахт ҳокимлиги матбуот хизмати хабар берди.

“20 январдан 30 январгача таъмирлаш ишлари олиб борилиши муносабати билан Тошкент шаҳридаги “Чўпонота” айланма кўприги қисман ёпилади. Сергели шоҳ кўчаси билан Тошкент ҳалқа йўлини боғловчи кўприкдан маълум соатларда ҳаракатланиш мумкин эмас. Вақтинчалик келтирилган ноқулайликлар учун узр сўраймиз”, – дейилади хабарда.

Йўл ҳаракати хавфсизлигини таъминлаш ва таъмирлаш ишларини тезлаштириш мақсадида ҳайдовчиларга муқобил айланма йўллардан фойдаланиш тавсия этилган.

• Тошкент
• Yo'llar