Тошкентда Чорсу майдонини реконструкция қилиш лойиҳасига бағишланган матбуот анжумани бўлиб ўтди. Унда 20 йилдан ортиқ вақт қаровсиз ҳолда қолган “Чорсу” меҳмонхонасини реконструкция қилиш лойиҳаси тақдим этилди.

Германиянинг Tchoban Voss Architekten компанияси томонидан ишлаб чиқилган лойиҳа доирасида янги меҳмонхона, бизнес-марказ ва турар жойлар барпо этилади. Бу лойиҳада 2025 йилдан қурилиш ишлари бошланиб, 2029 йилгача якунланиши режалаштирилган бўлиб, умумий қиймати 170 миллион АҚШ долларидан ошади.

Реконструкция жараёнида 1982 йилда қурилган ва узоқ вақт ташландиқ бўлиб қолган “Чорсу” меҳмонхонаси биноси бузилади. 2024 йилнинг техник экспертизасига кўра, бинонинг темир-бетон конструксиялари жиддий шикастланган ва реконструкция қилишга яроқсиз деб топилган.

• Тошкент
• qurilish