32°
Кечаси 18°
Жаҳон соғлиқни сақлаш ташкилоти дунёдаги эпидемиологик вазият бўйича навбатдаги ҳисоботини эълон қилди.
Унда қайд этилишича, шу йил 6 мартдан 2 апрелгача 3,2 миллиондан ортиқ кишига коронавирус ташхиси қўйилиб, беморлардан қарийб 24 минг нафари ҳаётдан кўз юмган.
Таҳлилларга кўра, ўтган 28 кунда касалланиш кўрсаткичи аввалги тўрт ҳафтага нисбатан 28 фоизга, ўлим ҳолатлари эса 30 фоизга камайган.
6 мартдан 2 апрелгача энг кўп беморлар АҚШ (626 минг нафар), Россия (314 минг), Жанубий Корея (271 минг), Япония (202 минг), Франция (193 минг) давлатларида рўйхатга олинган.
ЖССТ бош директори Тедрос Гебреесус пасайиш тенденцияси шундай давом этса, жорий йилда COVID-19 пандемияси бекор қилинишини маълум қилган.
Ташкилотнинг Фавқулодда ҳолатлар бўйича қўмитаси аъзолари иштирокида май ойида бўлиб ўтадиган навбатдаги йиғилишда айни шу масала ҳам кўриб чиқилиши кутиляпти.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
