Россия президенти Владимир Путин ва Тожикистон президенти Эмомали Раҳмон Москвада учрашув ўтказди. Улар Crocus'даги теракт ҳақида суҳбатлашди.

Путин Тожикистон президенти Раҳмонга “Crocus”даги терактдан сўнг билдирган ҳамдардлик учун миннатдорчилик билдирган.

“Ҳамдардлик сўзларингиз учун раҳмат. Сиз теракт муносабати билан биринчилардан бўлиб ҳамдардлик билдирдингиз”, — деган Путин.

Раҳмон Тожикистон 30 йилдан ортиқ вақтдан бери терроризм ва экстремизмга қарши курашиб келаётганини ва бу муаммо билан бевосита таниш эканини таъкидлаган.

“Тожиклар қадимий тарихга, маданиятга, сивилизацияга эга халқдир, бу биз учун мутлақо қабул қилиб бўлмайдиган ҳолат. Бўлиб ўтган воқеа халқимизнинг имижи, тарихи, маданияти ва урф-одатларига жиддий зарба берди. Бу борада сиз билан яқиндан ҳамкорлик қилишда давом этамиз”, — дея қўшимча қилган Эмомоли Раҳмон.

Шунингдек, Раҳмон терроризмнинг миллати ва дини йўқлигини, бу глобал муаммо эканини таъкидлаган.

• Эмомали Раҳмон
• Путин
• Россия
• Теракт
• Терроризм
• Тожикистон
• portlash