CZN Burak номи билан машҳур бўлган турк ошпази Бурак Ўздемир кеча, 2-сентябрь куни Тошкентга келди ва собиқ пойтахт ҳокими билан Беш Қозон ош марказида 1 тонна ош пиширди. Бу ҳақда Буракнинг ўзи Инстаграм саҳифасида маълум қилди.

“Якшанба муборак, қардош Ўзбекистонда маҳаллий палов тайёрлаб тарқатдик. Тошкентнинг собиқ ҳокими жаноб Жаҳонгир Ортиқхўжаев ва Азиз акамга раҳмат. Қанча тонна палов тайёрлаганимизни тахмин қилинг. Барча изоҳларингизни кутамиз”, – деб ёзади у.

Шунингдек, Бурак ўз саҳифасига янги пишган Тошкент патирларини тандирдан узаётган видеосини ва Жаҳонгир Ортиқхўжаев билан тушган суратини ҳам жойлаган.

Таъкидлаш жоизки, сиёсатдаги даврида Ўзбекистон медиасида энг кўп тилга олинадиган шахслардан бирига айланган Жаҳонгир Ортиқхўжаев, ҳокимликдан кетгач негадир омма олдида умуман кўриниш бермай қўйди.

• Burak
• Ортиқхўжаев
• Палов