Маълумотларга кўра, 2023 йилнинг октябрь ойида Бош прокуратура томонидан Тошкент вилояти Тошкент туманидаги “Дархон” илмий тажриба хўжалиги (халқ тилида Дендропарк) ҳудудида дарахтларнинг нобуд қилиниши, ер ажратиш ва ундан фойдаланиш қоидаларининг бузилиши юзасидан жиноят иши қўзғатилган эди.

Айни пайтда “Дендропарк”даги ноқонуний эгаллаб олинган бинолар суд қарори асосида бузиб ташланмоқда. Бу ҳақда Экология вазирлиги матбуот хизмати хабар берди.

Маълумот учун, мазкур ҳолат юзасидан Жиноят кодексининг 198 (Екинларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) ва 205 (Ҳокимият ёки мансаб ваколатини суиистеъмол қилиш) моддалари билан жиноят иши қўзғатилган.

• Давлат экология қўмитаси
• Экология