Ўзбекистон Республикаси инвестициялар, саноат ва савдо вазирлигида Словения савдо-саноат палатаси ижрочи директори Маржана Мажерик бошчилигидаги Словения Республикаси ишбилармон доиралари иштирокида давра суҳбати бўлиб ўтди.

Тадбирда қишлоқ хўжалиги, соғлиқни сақлаш, қурилиш, туризм, фармацевтика, машинасозлик, ахборот технологиялари ва бошқа соҳаларда фаолият юритувчи 20 дан ортиқ Словения компаниялари вакиллари иштирок этди.

Словения томонига Ўзбекистоннинг инвестиция салоҳияти, инвесторлар учун амалдаги имтиёзлар ва преференциялар, тадбиркорларни қўллаб-қувватлаш ва ҳимоя қилиш чоралари тақдим этилди.

Давра суҳбати доирасида геология, қишлоқ хўжалиги, тўқимачилик ва чарм саноати, фармацевтика ва уй-жой қурилиши каби соҳалардаги аниқ лойиҳа ташаббуслари муҳокама қилинди.

B2B ва B2G форматидаги учрашувлар ўтказилди, унда иштирокчилар ишбилармонлик ҳамкорлигини кенгайтириш имкониятларини муҳокама қилдилар.

Томонлар Ўзбекистон ва Словения ўртасидаги савдо-иқтисодий муносабатларни янада ривожлантириш муҳимлигини таъкидлаб, шериклик алоқаларини мустаҳкамлаш ва қўшма инвестиция лойиҳаларини амалга оширишга ўзаро қизиқиш билдирдилар.

• Бизнес
• Ўзбекистон
• Sloveniya