We Global Football portali mutaxassislari O‘zbekiston milliy terma jamoasining 2026-yilgi Jahon chempionatiga chiqish imkoniyatlarini tahlil qildi. Saralash bosqichining yettinchi turi doirasida Qirg‘iziston terma jamoasi ustidan 1:0 hisobida g‘alaba qozonilganidan so‘ng, o‘zbekistonliklarning jahon chempionatiga to‘g‘ridan-to‘g‘ri yo‘llanma olish uchun matematik imkoniyatlari 92,6 foizga yetdi.

Osiyo mintaqasida O‘zbekiston jahon chempionatiga chiqish ehtimoli reytingida to‘rtinchi o‘rinda turadi. Yaponiya va Eronning imkoniyatlari 100 foiz Janubiy Koreyaniki esa 98,8 foizga baholanmoqda.

Saralash turnirining guruh bosqichida O‘zbekiston A guruhida 16 ochko bilan ikkinchi o‘rinni egallab turibdi. Jamoa BAA va Qatar terma jamoalaridan olti ochko oldinda, shu bilan birga yetakchi Erondan uch ochkoga ortda qolgan.

O‘zbekiston terma jamoasi uchun saralash bosqichining hal qiluvchi o‘yinlari yaqin oylarda bo‘lib o‘tadi. 25-mart kuni Timur Kapadze shogirdlari Tehronda Eron jamoasi bilan uchrashadilar. Iyun oyida jamoani BAA va Qatarga qarshi eng muhim uchrashuvlar kutmoqda.

• Футбол
• Жаҳон чемпионати
• Ўзбекистон