“Эрон АҚШнинг Яман ҳусийларга қарши амалга оширган кенг кўламли ҳаво зарбаларига муносабат билдирди”, – деб хабар бермоқда Reuters.

Аввалроқ Трамп Эрон томонидан қўллаб-қувватланаётган Яман ҳусийларига зарбалар беришни буюргани маълум қилинган эди. Қўшма Штатлар президенти, шунингдек, Теҳронга мурожаат қилиб, ҳусийларни қўллаб-қувватлашни дарҳол тўхтатишни талаб қилди: “Америка Эронни жавобгарликка тортади ва биз бу борада шафқат қилмаймиз!”

Ислом инқилоби қўриқчилари корпуси бош қўмондони Ҳусайн Саломий ҳусийлар мустақил равишда ҳаракат қилишини ва ўзларининг стратегик ҳамда ҳарбий қарорларини қабул қилишини таъкидлади.

“Биз душманларимизни огоҳлантирмоқдамизки, агар улар ўз таҳдидларини амалга оширсалар, Эрон уларга қатъий тарзда жавоб қайтаради,” – деган Саломий маҳаллий ОАВ берган интервьюсида.

Reuters маълумотига кўра, АҚШнинг ҳусийларга қарши кенг кўламли ҳарбий операциялари ҳафталаб давом этиши мумкин.

• АҚШ
• Eron
• Трамп
• Яман