Қатар ва Ўзбекистон муносабатларида муҳим босқич икки мамлакат пойтахти ўртасида тўғридан-тўғри мунтазам ҳаво қатнови йўлга қўйилди. Бу ҳақда Транспорт вазирлиги хабар берди.

Қайд этилишича, дастлабки босқичда ушбу йўналишда авиакомпания ҳафтасига 4 марта - душанба, сешанба, пайшанба ва шанба кунлари парвозларни амалга оширади. Кейинги босқичда эса ҳар куни рейслар амалга оширилиши режалаштирилган.

“Мунтазам рейснинг йўлга қўйилиши мамлакатларимиз ўртасида сайёҳлик алмашинуви ўсишига сезиларли ҳисса қўшиши, қолаверса, Форс кўрфази ва Марказий Осиё ўртасида кўп қиррали ҳамкорликни ривожлантиришга хизмат қилиши билан аҳамиятлидир”, дейилади хабарда.

• Авиақатнов
• Қатар