Бош прокуратура ҳузуридаги Департаментнинг Тошкент шаҳар бошқармаси, ДХХ ва ИИББ ходимлари ҳамкорликда Юнусобод туманида жойлашган “Универсам деҳқон бозори” олдида ўтказилган тезкор тадбирда қалбаки пул тайёрлаш билан шуғулланаётган шахслар аниқланган.

Фуқаролар Н.Р., Х.А. (муқаддам судланган) ва бошқалар ўзаро тил бириктириб, Тошкент туманида яшовчи С.М.дан олиб келган 100 долларлик купюрадаги қалбаки 10 минг АҚШ долларини фуқаро А.О.га ҳақиқий 7,2 минг АҚШ долларига сотган вақтларида ушланиб, Х.А.нинг ёнидан ўтказиш мақсадида сақлаб келинган яна 75 дона 100 долларлик қалбаки купюралар ашёвий далил сифатида олинган.

Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.

Бундан олдин хорижий давлатга юборишни ваъда қилган шахснинг ёнидан қалбаки 8,4 минг АҚШ доллари чиққан эди.

Департаментнинг Учтепа тумани бўлими, ДХХ ва ИИБ ходимлари ҳамкорлигида “Л.” номли – “Ҳостел” олдида ўтказилган тезкор тадбирда хорижий давлат фуқароси М.С. фирибгарлик йўли билан ўзганинг мулкини қўлга киритиш мақсадида, фуқаро З.А.ни Англия давлатига бориши учун 850 АҚШ долларига виза олиб беришини айтиб, шундан 350 АҚШ долларини олган вақтида ашёвий далил билан ушланган.

Бундан ташқари, М.С.нинг ёнидан ўтказиш мақсадида сақлаб келинган 84 дона 100 долларлик купюрадаги қалбаки 8,4 минг АҚШ доллари ашёвий далил сифатида олинган.

Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

• Доллар