Испания «VisaGuide.World» рейтингида Cингапурни ортда қолдириб, биринчи ўринни эгаллади. Демак, ушбу давлат фуқаролари дунёдаги энг кучли паспортга эга.

«VisaGuide.World» виза маълумот сайти томонидан тузилган рейтингда Испания октябрь ойида эълон қилинган машҳур «Henley» паспорт индексида биринчи ўринни эгаллаб, Cингапурдан олдинга чиқиб олди.

15-ўринни эгаллаган Япония топ 20 таликка кирган ягона ноевропа давлатидир.

Учинчи ўриндан Германия, Италия, Франция, Нидерландия, Финляндия, Швеция, Норвегия, Дания, Чехия, Португалия, Венгрия ва Люксембург жой олган.

Австрия 16-ўринда, Швейтсария, Бельгия, Ирландия ва Полша ҳам кучли 20 таликка киритилган.

Энг кучли паспорни аниқлашда турли мамлакатлар фуқаролари визасиз киришлари мумкин бўлган мамлакатлар сони ҳисобланади.

Октябрь ойида Cингапур биринчи, Япония иккинчи, Финляндия, Франция, Германия, Италия, Жанубий Корея, Испания ва Швеция учинчи ўринни эгаллаган эди. Индекс фақат фуқароларнинг визасиз ташриф буюриши мумкин бўлган йўналишлар сонига асосланади.

2023 йил декабридан бошлаб Испания паспорти эгалари 160 та давлат ва ҳудудларга визасиз саёҳат қилишлари мумкин.

Cингапур паспорти эгалари Испания фуқаролари визасиз саёҳат қила олмайдиган 15 давлатга визасиз кириш ҳуқуқига эга. Улар орасида Буркина-Фасо, Камбоджа, Кот-д’Ивуар, Куба, Жибути, Гана, Гвинея, Индонезия, Кения, Лаос, Мянма, Руанда, Танзания, Уганда ва Зимбабве бор.

Бироқ Испания паспортлари эгалари Cингапур фуқаролари учун мавжуд бўлмаган 11 мамлакат ва ҳудудларга визасиз саёҳат қилишлари мумкин. Буларга Фолкленд ороллари, Маршалл ороллари, Палау, Сан-Томе ва Принципи, Сейшел ороллари, Соломон ороллари, Тимор-Шарқий, Тонга, Тувалу, Украина ва Венесуэла киради.

• Ispaniya