Андижон вилоятининг Булоқбоши туманида янги цемент заводининг очилиш маросими бўлиб ўтди. Бу ҳақда вилоят ҳокимлиги матбуот хизмати маълум қилди.

Қайд этилишича, завод йилига ўртача 2,5 миллион тонна (кунига 6 минг тонна) тайёр цемент ишлаб чиқаришга мўлжалланган. Лойиҳа қиймати 250 миллион долларни ташкил этиб, Хитойнинг “Conch International Holdings Limited (Хитой), “Zhejiang Shangfeng Building Materials Co” Ltd (Хитой) компанияларининг тўғридан-тўғри инвестициялари асосида амалга оширилган.

Шунингдек, лойиҳанинг экспорт салоҳияти йилига 10 миллион долларни ташкил этади, шунингдек, 750 та иш ўрни яратилган. Завод учун жами 74 гектар ер майдони ажратилган.

• Андижон
• zavod