Буюк Британиянинг энг машҳур хонандаларидан бири, кўплаб хит қўшиқлар муаллифи Эд Ширан плагиат бўйича суд ишида ғалаба қозонди. Суд мажлиси АҚШнинг Нью-Йорк шаҳрида бўлиб ўтган.

Бир неча соат давом этган муҳокамалардан сўнг, суд Ширан томонидан ижро этилган “Thinking Out Loud” таронаси хонанда Эд Таунсенднинг “Let’s Get It On” қўшиғидан кўчирилмаган деган хулосага келган.

2003 йилда вафот этган америкалик мусиқачи Эд Таунсенднинг меросхўрлари Эд Ширанни муаллифлик ҳуқуқини бузишда айблаган эди. Таунсенд “Let’s Get It On” қўшиғини 1973 йилда ҳамкасби Марвин Гайе билан биргаликда ижро этган. Ширан эса айбловларни рад этган ва “Thinking Out Loud” қўшиғи ижодкорларнинг ҳеч бирига тегишли бўлмаган мусиқий блоклар асосида ёзилганини таъкидлаган эди.  

• Буюк Британия
• Маданият
• Шоу-бизнес
• Суд
• машҳурлар
• хабар