Мексиканинг “Халиско янги авлод картели” раҳбари, “Эл Менчо” лақаби билан танилган Рубен Осегера Сервантеснинг жасади Халиско штати Сапопан мунитсипалитетидаги қабристонга олтин тобутда олиб келинди. Бу ҳақда Эл Универсал газетаси хабар қилди.

Маълум қилинишича, мотам кортежи 2-март куни Халиско штати пойтахти Гвадалахара шаҳридаги дафн маросимлари бюросидан йўлга чиққан. Қабристонга етиб келганда катафалкни оркестр кузатиб боргани қайд этилган. Дафн маросими ёпиқ тарзда ўтказилган.

Нашрга кўра, жасадни ташиш ва дафн қилиш жараёни кенг қамровли хавфсизлик чоралари билан бирга амалга оширилган. Кортеж йўналиши ва “Ресинто де ла Пас” қабристони ҳудуди федерал ва минтақавий куч тузилмалари ходимлари томонидан қўриқланган. Шунингдек, дафн бюроси олдида ҳарбийлар ва зирҳли техника навбатчилик қилган.

Эслатиб ўтамиз, Мексика Миллий мудофаа вазирлиги 22-февраль куни “Халиско янги авлод картели” раҳбари Рубен Осегера Сервантес йўқ қилинганини эълон қилганди.

• Мексика