“Ўзэнергоинспекция” томонидан 2022 йилнинг январь-март ойлари давомида ўтказилган тадбирларда 35 кВ ва ундан юқори электр қурилмаларига эга бўлган тадбиркорлик субъектлари, энерго тизми корхоналари, давлат ташкилотларида ҳамда электр тармоқларига ноқонуний уланиш бўйича жами 221 та ҳолат аниқланди.

 “Ўзэнергоинспекция” ахборот хизмати раҳбари Наврўз Норбобоевнинг маълум қилишича, натижада 126 та истеъмолчилар томонидан электр ва иссиқлик энергиясидан ноқонуний фойдаланганлиги аниқланиб, энерго таъминот корхоналари томонидан жами 40,3 млрд. сўм етказилган зарар бўйича қайта ҳисоб-китоблар қилиниши таъминланди.

Шунингдек, шу вақтга қадар текширувларда ноқунуний уланган, қониқарсиз техник ҳолатдаги жами 2191 та электр қурилманинг иши ҳамда хавфсизликка риоя қилмаган 14 та бригаданинг иши тўхтатилди. 148 та масъул ходимларга таъсир чоралар кўрилиши таъминланди.

Бундан ташқари, ҳудудий электр тармоқлари корхоналари ва ҳуқуқни муҳофаза қилувчи органлар билан бирга электр тармоқларига ноқонуний уланган истеъмолчиларни аниқлаш бўйича қўшма назорат тадбирлари ўтказилди. Унга кўра 277 та истеъмолчилар томонидан амалдаги қоидаларга риоя этмаган ҳолда 12,8 млн. кВт/соат электр энергиясидан ноқонуний фойдаланилганлиги аниқланди. Бунинг натижасида, тизимга 5,7 млрд. сўмга зарар етказилган.

Ноқонуний фойдаланиш ҳолатларининг энг кўпи – Сурхондарё, Қашқадарё, Жиззах, ва Тошкент вилоятларида аниқланди.

Аниқланган барча ҳолатлар бўйича тегишли ҳужжатлар расмийлаштирилиб ҳуқуқни муҳофаза қилувчи органларга тақдим этилди.

• Брифинг
• Бюджет
• Электр энергияси