“Марказий Осиё давлатлари ва Европа Иттифоқи ўзаро муносабатларни стратегик шериклик даражасига олиб чиқмоқчи. Бу икки минтақанинг биринчи саммити якунлари бўйича жума куни қабул қилинадиган Самарқанд декларациясида кўзда тутилган”, – дейди Ўзбекистон президенти матбуот котиби Шерзод Асадов.

Унинг таъкидлашича, ушбу декларация конструктив мулоқотни кенгайтиради ва барча йўналишлардаги ҳамкорликка кучли суръат бағишлайди.

Саммитнинг асосий тадбирлари олдидан Ўзбекистон президенти Шавкат Мирзиёев Европа кенгаши президенти Антониу Кошта ва Европа комиссияси президенти Урсула фон дер Ляен билан учрашув ўтказган.

Музокараларда асосий эътибор инновациялар, “яшил” энергетика, тоғ-конь тармоғи, қишлоқ хўжалиги, транспорт, логистика, рақамлаштириш ва бошқа йўналишларда қўшма дастур ва кооперация лойиҳаларини илгари суришга қаратилган. Бундан ташқари, туризм, маданият, фан, таълим ва соғлиқни сақлаш соҳаларидаги фаол алмашинувларни давом эттириш муҳимлиги қайд этилган.

Шерзод Асадовнинг таъкидлашича, Ўзбекистон ва Европа Иттифоқи ўртасидаги товар айирбошлаш ҳажми 6 млрд евродан ошган.

• Самарқанд
• Yevropa Ittifoqi
• саммит