“Путин билан суҳбатим якунланди. Менимча, у жуда яхши ўтди. Россия ва Украина дарҳол ўт очишни тўхтатиш ва, бундан ҳам муҳимроғи, урушни тўлиқ якунлаш бўйича музокараларни бошлайди. Шартлар икки томон ўртасида келишилади, шундай бўлиши керак, чунки музокара жараёнининг тафсилотларини фақат улар билади, бу бошқа ҳеч кимга маълум эмас. Суҳбат оҳанги ва руҳи яхши эди. Агар аксинча бўлганида, мен ҳозироқ буни очиқча айтган бўлар эдим.

Россия ушбу ҳалокатли “қонли қирғин” якунланганидан сўнг Қўшма Штатлар билан кенг кўламли савдо алоқаларини йўлга қўймоқчи ва мен бу ғояни қўллаб-қувватлайман. Россияда иш ўринлари яратиш ва фаровонликни ошириш учун улкан имкониятлар мавжуд. Унинг салоҳияти чексиз. Украина ҳам ўз мамлакатини тиклаш жараёнида савдо алоқаларидан катта фойда олиши мумкин.

Россия ва Украина ўртасидаги музокаралар дарҳол бошланади. Мен бу ҳақда Украина президенти Володимир Зеленскийга, Еврокомиссия президенти Урсула фон дер Ляенга, Франция президенти Эммануел Макронга, Италия бош вазири Жоржа Мелонига, Германия канцлери Фридрих Мерцга ва Финляндия президенти Александр Стуббга Путин билан суҳбатдан сўнг телефон орқали хабар бердим.

Рим папасининг сўзларига кўра, Ватикан бу музокараларни ўз ҳудудида ўтказишга катта қизиқиш билдирган. Жараён бошлансин!”, — деб ёзди АҚШ раҳбари Truth Social ижтимоий тармоғидаги саҳифасида.

• АҚШ
• Путин
• Россия
• Трамп
• Украина
• Зеленский