Эртага, 1 февралдан бошлаб “Ташаббусли бюджет” лойиҳасининг 2024 йилги 1-мавсуми учун ташаббуслар қолдириш бошланади. 1-мавсум учун жами 3 трлн сўм маблағ ажратилмоқда.

Ҳар битта ташаббус учун максимум 1 млрд 360 млн сўм маблағ сўраш мумкин.

Жорий йилдан бошлаб энг катта янгилик — бу овоз беришда соғлом рақобат муҳитини яратиш мақсадида “Бир фуқаро – бир овоз” тизими жорий этилади.

Яъни энди номида нечта сим-картаси бўлишидан қатъи назар 1 киши фақат 1 марта овоз бера олади. Масалан, бир шахснинг номида Uzmobile, MobiUz, Ucell ва Beeline рақамлари бор бўлса ҳам у фақат 1 марта овоз беради, кейинги сафар бошқа компания рақамидан яна овоз бермоқчи бўлса, унга рад жавоби келади.

Бу орқали юзлаб сим-карта сотиб олиб, овозлар сонини сунъий кўпайтиришга чек қўйилади.

Шунингдек, бундан буён “Ташаббусли бюджет” доирасидаги лойиҳалар ташаббускорлар, маҳалла раиси ва фаолларининг иш сифати юзасидан розилиги олинганидан кейингина фойдаланишга қабул қилиш тартиби жорий этилиши кутилмоқда. Бу орқали ишни сифатсиз топширадиганларга қарши курашилади.

• Beeline
• Бюджет