Yandex Uzbekistan Yandex Maps'га Тошкент, Бухоро, Самарқанд ва Хиванинг 27 та машҳур диққатга сазовор жойларининг 3D рангли моделларини қўшди.

Шундай қилиб, Тошкентдаги Ҳазрати Имом ансамбли, Кўкалдош мадрасаси ва Чорсу бозори, Бухородаги Пойи-Калон ва Лаби-Ҳовуз меъморий ансамбллари, Самарқанддаги Регистон майдони ва Мирзо Улуғбек расадхонаси ҳамда Хива шаҳридаги калта Минор минорасини 3D шаклда кўриб чиқиш мумкин.

Ўзбекистондаги бинолар ва маданий ёдгорликларнинг катта ҳажмдаги макетлари аҳолига харитада яхшироқ ҳаракатланишга, сайёҳларга эса рамзий жойлар билан яқиндан танишишга ёрдам беради.

Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов Yandex Uzbekistan ташаббусини қўллаб-қувватлашини билдирди ва Ўзбекистоннинг тарихий обидалари ва биноларини уч ўлчамли объектлар форматида яқиндан кўриш имконияти мамлакатда туризмни ривожлантириш учун фойдали бўлишига ишонч билдирди.

• Ўзбекистон
• Самарқанд
• Хива
• Yandeks