Марказий банк бошқаруви раисининг тегишли буйруғи Адлия вазирлиги томонидан давлат рўйхатидан ўтказилди.

Унга кўра, 2021 йилнинг апрель ойида Марказий банк бошқаруви қарори билан тасдиқланган Ўзбекистон ҳудудида банк карталарининг чиқарилиши ва муомалада бўлиши қоидалари тўғрисида низомга қўшимча киритилган.

Эндиликда юридик шахслар мобил иловалар орқали электр энергияси ва табиий газ учун тўловларни миллий валютадаги корпоратив банк карталаридан фойдаланган ҳолда амалга ошириши мумкин бўлди.

2024 йилнинг декабрь ойида қабул қилинган президент фармони билан белгиланган йўл харитасида юридик шахсларга электр энергияси учун тўловларни корпоратив картадан мобил иловалар орқали тўловларни амалга ошириш тизимини жорий этиш белгиланганди. Марказий банк, Рақамли технологиялар вазирлиги, “Ҳудудий электр тармоқлари” ҳамда “Ҳудудгазтаъминот”га норматив-ҳуқуқий ҳужжат лойиҳасини ишлаб чиқиш топширилган эди.

Фармонда электр энергияси учун қарздорларни тармоқдан узиб қўйиш ўрнига қарздорликни бўлиб-бўлиб тўлаш имкониятини назарда тутилган. Электр энергияси ва газдан фойдаланиш қоидаларига ҳисоб-китоб даврида шартномавий миқдордан ортиқча фойдаланилган ресурслар учун тўлов бўйича ўзгартиришлар киритилди.

• Электр энергияси
• Газ
• Ўзбекистон
• Қарор
• karta