“Кичик бизнесни узлуксиз қўллаб-қувватлаш комплекс дастури”га кўра, 100 миллион сўмгача кредитлар гаровсиз берилади. Бу бўйича бизнесни ривожлантириш банки ахборот хизмати раҳбари батафсил маълумот берди.

Қайд этилишича, камида бир йил мобайнида фаолият юритаётган якка тартибдаги тадбиркорлар, деҳқон хўжаликлари, ўзини ўзи банд қилган шахслар, ҳунармандлар, касаначилар, нодавлат таълим ташкилотлари, уч ва ундан ортиқ кишини доимий иш билан таъминлаётган кичик тадбиркорлик субъектлари бу имкониятдан фойдалана олади.

Шунингдек, оилавий тадбиркорлик дастурлари доирасида ўз бизнес лойиҳаларини муваффақиятли амалга ошириб, ижобий кредит тарихига эга бўлган юридик ва жисмоний шахслар ҳам бу имкониятдан фойдалана олади.

Дастур доирасида, шунингдек, 150 миллион сўмгача кредитларни гаров талаби 50 фоизгача пасайтирилган ҳолда ажратиш имконияти, қиймати 1,5 миллиард сўмгача бўлган асосий воситаларни 7 йилгача бўлиб-бўлиб тўлаш шарти билан қарзга бериш назарда тутилади.

• Бизнес
• Кредит
• Тадбиркорлик