Бу ҳақда Бош прокуратура матбуот котиби Ҳаёт Шамсутдинов хабар беришича, кеча, 11 октябрь куни Бош прокуратурада “Сунъий интеллект имкониятларини прокуратура тизимига жорий қилиш” мавзусида давра суҳбати ўтказилган.

Қайд этилишича, тадбирда Бош прокуратура, Ҳуқуқни муҳофаза қилиш академияси, Қорақалпоғистон Республикаси, вилоятлар ва Тошкент шаҳар, Ўзбекистон Республикаси Ҳарбий ва Транспорт прокуратураси, Бош прокуратура ҳузуридаги департаментнинг масъул ходимлари иштирок этди.

Тадбирда Ўзбекистон Миллий медиа бирлашмаси Бошқаруви раиси, Ўзбекистон журналистика ва оммавий коммуникациялар университети ректори, профессор Шерзодхон Қудратхўжа, “АИМ Laboratory” МЧЖ раҳбари Хикматилла Убайдуллаев, “ХCДМ” МЧЖ раҳбари Самандар Турсуналиев, техноблогер Саъдулла Абдуллаев иштирок этиб, бугунги мавзу юзасидан нутқ сўзлади.

Сўзга чиққанлар сунъий интеллект технологияларини жадал жорий этиш ва уларни мамлакатимизда кенг қўллаш, рақамли маълумотлардан фойдаланиш имкониятини ва уларнинг юқори сифатини таъминлаш, ушбу соҳада малакали кадрлар тайёрлаш учун қулай шарт-шароитлар яратиш борасида ўз фикр ва маълумотларни, тушунтиришларни бериб ўтишди.

• Бош прокуратура
• sun’iy intellekt