Бош прокуратура ҳузуридаги Департаментнинг Самарқанд вилояти бошқармаси томонидан ўтказилган терговга қадар текширувда “Г.Б.” МЧЖ масъул шахслари Самарқанд шаҳри, Зармитан кўчасидаги кўп қаватли уйни умумий фойдаланишдаги газ тармоғига ўзбошимчалик билан улаб, кадастр ҳужжатлари расмийлаштирилмаган 11 та хонадонга газ истеъмоли учун шароит яратиб, “Ҳудудгаз Самарқанд” газ таъминоти филиали манфаатларига 181,9 млн сўм зарар етказганликлари аниқланган.

Шунингдек, Департаментнинг Амударё тумани бўлими томонидан ўтказилган терговга қадар текширувда фуқаро И.П. хонадонида табиий газ тармоғига ўзбошимчалик билан уланиб 177,7 млн сўмлик табиий газдан ноқонуний фойдаланганлиги аниқланган.

Департаментнинг Тўрткўл тумани бўлими томонидан ўтказилган терговга қадар текширувда фуқаро С.А. хонадонида электр тармоғига ўзбошимчалик билан тўғридан-тўғри уланиб, 146,9 млн сўмлик электр энергиясидан ноқонуний фойдаланганлиги аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

• Бош прокуратура
• Электр энергияси
• Ўзбекистон