Исроил армиясининг блокададаги Ғазо секторининг турли ҳудудларига эрталаб уюштирган ҳужумлари натижасида 29 киши ҳалок бўлди, улар орасида гуманитар ёрдам кутаётган 10 нафар фаластинлик бор. Бу ҳақда Andolu агентлиги хабар берди.

Зарбаларнинг асосий нишони тинч аҳоли ва ёрдам кутаётган ички кўчирилганлар бўлган.

Агентликка кўра, Ғазо жанубидаги Хон-Юнус шаҳрида Исроил кучлари Ал-Меваси туманидаги уйга ҳужум қилиб, икки фаластинликни ўлдирган.

Хон-Юнусда кўчирилган фаластинликларга тегишли 3 та чодирнинг бомбардимон қилиниши оқибатида 12 киши ҳалок бўлган.

Бундан ташқари, Хон-Юнус марказида Исроил кучлари фаластинликларга ҳужум қилиб, ҳужум оқибатида 3 киши ҳалок бўлган ва яна икки фаластинликнинг жасади шаҳарнинг турли ҳудудларида вайроналар остидан чиқариб олинган.

Шунингдек, Ғазо марказидаги Салаҳаддин шоҳкўчасида Исроил армияси озиқ-овқат излаб гуманитар пунктларга йўл олган фаластинликларга қарата ўқ узган, ушбу ҳужумда 10 киши ҳалок бўлган, 50 дан ортиқ киши жароҳатланган.

• Фаластин
• Isroil
• hujum