Туркия президенти Ражаб Тоййиб Эрдўған фалокат зонаси аҳолиси билан мусулмонлар учун муқаддас Рамазон ойининг биринчи ифторлик зиёфатини (рўза очиш) ўтказади.

Туркия раҳбари 23 март куни феврал ойида содир бўлган икки даҳшатли зилзила эпимаркази жойлашган жануби-шарқий Қаҳрамонмараш вилоятига ташриф буюради.

Давлат раҳбари ташриф доирасида вилоят маъмурий марказидаги реставрация ишлари билан ҳам танишади.

Жорий йилнинг 6 февраль куни Туркиянинг жануби-шарқида (маҳаллий вақт билан 04.17 да – 7,7 балл ва 13.24 да – 7,6 балл) магнитудаси етти баллдан ортиқ бўлган иккита зилзила содир бўлди. Туркия жануби-шарқида содир бўлган даҳшатли зилзила қурбонлари сони 50 мингдан ошди. Вайронкор зилзила қўшни мамлакатларда, жумладан Сурия, Ливан, Шимолий Кипр Турк Республикаси, Греция, Кипр ва Ироқда ҳам сезилди.

Маълумот учун, Муҳаммад пайғамбардан қолган анъанага кўра, мўминлар тонг отишидан ярим соат олдин эрталабки таомни (саҳарлик) тугатиб, қуёш ботгандан кейин дарҳол ифторни бошлашлари керак.

• Эрдоған