Финляндия президенти Саули Ниинистенинг сўзларига кўра, Финляндия ва Швеция июл ойига қадар Шимолий Атлантика алянсининг тўлиқ аъзолари бўлишади.

“Президент Саули Ниинисте Финляндия ва Швеция июль ойида Вилнюсда бўлиб ўтадиган мудофаа алянси саммитида НАТОнинг тўлиқ аъзолари сифатида иштирок этишига ишонади (учрашув 11-12 июлга режалаштирилган).

“Ҳа, бу НАТО учун аллақачон муаммога айланган. Шубҳасиз, НАТО мамлакатлари ҳам бундан ҳайратда қолишди”– деди Ниинисте.

Шимолий мамлакатларнинг аризаларини Туркия томонидан ратификация қилиш диққат марказида.

“Менимча, у (Туркия президенти Таййип Эрдоған) ҳеч қандай ижтимоий босимга дучор бўлмайди. Аммо агар АҚШ ва Туркия ўртасидаги икки томонлама музокараларда бирор нарса очилса, эҳтимол бу самара беради”– деди Ниинисте.

Финляндия ва Швециянинг НАТОга қўшилиш тўғрисидаги аризаси Туркия ва Венгриядан ташқари 30 мамлакатдан 28 таси томонидан тасдиқланган. Финляндия ҳукумати Финляндия ва Швециянинг Шимолий Атлантика Иттифоқига қўшилиши НАТОга аъзо барча мамлакатларнинг умумий манфаатлари учун ва иккала Шимолий давлат ҳам иттифоққа фақат биргаликда қўшилиш ниятида эканлигини бир неча бор таъкидлаган. Финляндия ва Швециянинг НАТОга қўшилиш тўғрисидаги қўшма аризасини ратификация қилиш жараёни шу йил бошида Стокголмдаги Туркия билан муносабатларни мураккаблаштирган норозилик намойишлари туфайли секинлашган.

• Эрдоған
• Finlandiya
• НАТО
• Туркия