“Манчестер Юнайтед” мураббийи “Манчестер Сити” билан ўйинга (3:6) сарҳисоб қилди.

“Бу жуда оддий: бизда ўзимизга ишонч йўқ эди. Ишонмасангиз, ғалаба қозона олмайсиз ва бу қабул қилиниши мумкин эмас. Режани амалга оширишда бизда интизом етишмади ва биз жазоландик.

Бизда ташаббус йўқлиги, тўп билан етарлича дадил ишламаганимиз, эркин зоналардан фойдаланмаганимиз мени ҳайратда қолдирди. Биз “Ман Сити”га тан беришимиз керак, аммо бу рақиб ҳар тарафдан устун дегани эмас, балки ўзимиз етарлича ўйин кўрсата олмаганимиз эди. Гап шундаки, биз ўзимизга ишонмадик.

Мен буни биринчи дақиқаларданоқ ҳис қилдим ва танаффусда ўзгаришлар қилдим. Бизнинг муносабатимиз ўзгарди ва бу танаффусдан кейин маълум бўлди. Гол урдик, вазиятлар яратдик, жасурроқ эдик. Майдон ўртасидан ўтиб, учта гол уришга муваффақ бўлдик.

Энди мен учун ижобий нарсалар ҳақида ўйлаш қийин. Биз мухлисларни тушкунликка туширдик, ўзимизни тушкунликка туширдик ва бундан ҳафсаламиз пир бўлди”, – деди “Манчестер Юнайтед” бош мураббийи.

• Футбол
• Manchester Siti
• Manchester Yunayted