Эрон норозилик намойишига чиққан аҳолини қўрқитиш учун ўлим жазосидан фойдаланмоқда. Бу ҳақда Халқаро инсон ҳуқуқлари ташкилотлари ҳисоботларида маълум қилинди.

Жорий йилнинг 5 декабрда Эрон суди Караж шаҳрида полиция зобити ўринбосари Руҳоллоҳ Адамианнинг ўлимига алоқадор беш нафар намойишчини ўлимга ҳукм қилди. Умуман олганда, ўлим жазосига ҳукм қилинганлар сони 11 кишига етди.

“Бу одамлар инқилобий суднинг ёпиқ эшиклари ортида ҳеч қандай қонуний асоссиз ёки адолатли судсиз ўлимга ҳукм қилинган, уларнинг ҳукмлари қонуний кучга эга эмас эди. Бу қатллар жамоатчиликда қўрқув уйғотиш ва жамоатчилик эътиборини Ислом Республикаси разведкасининг муваффақияцизликларидан чалғитиш учун қилинган”, - дейди Инсон ҳуқуқлари ташкилотининг Эрон бўлими раҳбари Маҳмуд Амири-Муғаддам.

Британиянинг Халқаро Амнистия ташкилоти ҳам намойишларда қатнашгани учун ҳибсга олинган камида 28 киши қатл этилиши хавфи бўлган маълумотларни тақдим этди.

Инсон ҳуқуқлари ташкилотларининг маълум қилишича, 2022 йилда мамлакатда 500 дан ортиқ одам қатл этилган. Бу бир йил аввал қатл этилганлар сонидан 200 нафарга кўпдир.

• Eron
• Намойиш
• O'lim jazosi