Эроннинг олий раҳбари Оятуллоҳ Хоманаий Теҳронда ХАМАС раҳбарининг ўлдирилишига жавобан Исроилга зарба беришни буюрди. Бу ҳақда Американинг “The New York Times” газетасида маълум қилинган.

Шунингдек, Хоманаий Теҳронда ХАМАС раҳбари Исмоил Хания ўлдирилганидан кўп ўтмай миллий хавфсизлик Кенгашининг фавқулодда йиғилишига буйруқ берган.

Эрон Исроилни Ханияни ўлдиришда айблади. “Ушбу қилмиши билан сионистик режим қаттиқ жазога йўл очди”, – дея Оятуллоҳ Хоманаийдан иқтибос келтирган Irna давлат ахборот агентлиги.

Ўз навбатида, Эрон президенти Масъуд Пезешкиян Х ижтимоий тармоғида унинг мамлакати ўз “ҳудудий яхлитлигини” ҳимоя қилишини ва “террорчи босқинчиларни қўрқоқ ҳаракатларидан пушаймон қилдиришини” ёзган.

• Eron
• Isroil
• hujum