Эрон Ислом инқилоби қўриқчилари корпуси аерокосмик кучлари янги гипертовушли “Фаттоҳ” ракетасини тақдим этди. Бу ҳақда Фарс агентлиги хабар берди.

ИРГК Аерокосмик кучларининг энг сўнгги стратегик ютуғи бўлган “Фаттоҳ” гипертовушли ракетаси Президент Оятуллоҳ Сеййид Иброҳим Раиси ва ИРГК Бош қўмондони Ҳусайн Саламий иштирокида тақдим этилди.

Агентлик маълумотларига кўра, янги ракета барча ракеталарга қарши мудофаа тизимларини ёриб ўтиш ва уларни йўқ қилишга қодир. Отиш масофаси 1,4 минг километр, тезлиги 12-13 Мач ёки соатига 14-15 минг километрга етади. Ракета юқори аниқлик, яхши маневр қобилияти билан ажралиб туради, у радар тизимларига кўринмас бўлиб қолиши ва атмосферада ҳам, ундан ташқарида ҳам маневр қилиш қобилиятига эга. Агентликнинг таъкидлашича, бу турдаги ракеталар АҚШ, Россия ва Хитой каби давлатлар томонидан ишлаб чиқарилган ва қўлланилаётган энг сўнгги қуролдир.

• Eron
• Gieprtovushli raketa