Тошкент шаҳрида 24 июль, чоршанба куни пойтахт ИИББ ЙҲХБ билан ҳамкорликда навбатдаги “Автомобилсиз кун” акцияси ўтказилади.
Мазкур акция Ўзбекистон Президентининг 21 февралдаги 37-сонли қарорига мувофиқ ҳар ойнинг тўртинчи чоршанбасида ўтказилиши режалаштирилган.
24 июль куни Тошкентдаги барча давлат идоралари раҳбарлари ва ходимларига шахсий транспорт воситаларидан воз кечиш ва жамоат транспорти, велосипед ҳамда атроф-муҳитга зарар етказмайдиган транспорт турларидан фойдаланиш тавсия қилинмоқда.
“Ҳурматли юртдошлар! Барчангизни “Автомобилсиз кун” жамоат лойиҳасига бефарқ бўлмасликка, экологик тоза транспорт воситаларидан фойдаланишга чақирамиз. Зеро атроф- асраш барчамизнинг бурчимиздир” – дея хабар бермоқда Экология вазирлигининг матбуот хизмати.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!