Киберхавфсизлик йўналиши бўйича фаолият олиб борувчи «Morphisec» компанияси ўз ҳисоботида Facebook ижтимоий тармоғида сохта рекламалар орқали маълумотларни ва аккаунтларни эгаллаб олувчи янги «SYS01stealer» зарарли ҳаволаси аниқланганлиги ҳақида маълумот берди.

Келтирилишича, «SYS01stealer» ўз қурбонларини асосан «Google Ads» реклама платформаси ва Facebook сохта аккаунтлардан фойдаланган ҳолда турли кўринишдаги ўйинлар ва бепул дастурларнинг рекламаси орқали жалб қилиб, зарарли файлни кўчириб олишга ундайди.

Ҳавола асосан Facebookʼдаги корпоратив ва бизнес-аккаунтларга йўналтирилган бўлиб, эгалланган аккаунтлар зарарли ҳаволани янада кенг тарқалишига олиб келади.

Қайд этилишича, зарарли ҳавола фойдаланувчи томонидан ўйин ёки бепул дастурларни юклаб олиш учун сохта ҳаволага ўтган вақтида ишга тушади.

• Facebook
• Киберхавфсизлик