Иордания Қуролли кучлари Ғазо секторига инсонпарварлик ёрдами етказганини маълум қилди, дея хабар берди “Aнадолу” агентлиги.

Ижтимоий тармоқ ва оммавий ахборот воситалари орқали намойиш қилинган тасвирларда тўрт самолётдан денгизга гуманитар ёрдам туширилганини кўриш мумкин.Минглаб фаластинликлар ёрдам олиш умидида эксклавнинг жанубий қисми қирғоғи томон кела бошлаган. Аҳолининг бир қисми сузиш, кимлардир балиқ овлаш қайиғи ёрдамида озиқ-овқат ва бошқа маҳсулот, буюмларни олишга ҳаракат қилган.

2,3 миллион аҳолига эга Ғазо сектори аҳолиси гуманитар фалокатга дуч келмоқда.

Халқаро ташкилотлар ва БМТ институтлари очарчилик, сув ва гигиена воситалари етишмовчилиги ортидан турли касалликлар келиб чиқаётганини таъкидлаб, Ғазода ўт очишни тўхтатиш, минтақага инсонпарварлик ёрдами оқимини оширишга чақирмоқда.

• Iordaniya
• Samolyot
• dengiz