Фарғона вилоятида жамоат транспорти тизимини ривожлантириш ва аҳолига кўрсатилаётган транспорт хизматлари сифатини ошириш мақсадида “Фергана City Bus” МЧЖ томонидан Хитой давлатидан 24 та замонавий автобуслар олиб келинди. Бу ҳақда Фарғона вилояти ҳокимлиги матбуот хизмати хабар берди.
Мазкур автобуслар тез орада Фарғона шаҳри автобус йўналишларида брутто-шартнома асосида аҳолига хизмат кўрсатишни бошлайди.
“Янги транспорт воситалари экологик тозалиги, энергия тежамкорлиги ҳамда йўловчилар учун яратилган қулай шароитлар билан ажралиб туради”, – дейилади ҳокимлик хабарида.
Маълумот учун, 2024–2025 йиллар давомида вилоятдаги тўртта ташувчи корхона томонидан Asia star, Yutong ва Zhong tong русумли жами 96 та замонавий автобуслар олиб келинган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!