Ўзбекистонда давлат органларининг хизмат автотранспорт воситалари хатловдан ўтказилиб, ортиқчаси сотувга қўйилади. Бу ҳақда президентнинг 27 декабрдан кучга кирган “Давлат харидлари тизимида рақобат муҳити ва шаффофликни таъминлаш бўйича навбатдаги чора-тадбирлар тўғрисида”ги фармонида белгиланди.

Ҳужжатга кўра, Ҳисоб палатаси ва Давлат молиявий назорат инспекцияси уч ой муддатда Ички ишлар вазирлиги билан биргаликда давлат бошқаруви ва маҳаллий давлат ҳокимияти органларининг фойдаланишида мавжуд бўлган хизмат автотранспорт воситаларини хатловдан ўтказади.

Хатлов натижаларига кўра белгиланган меъёрлар бўйича лимитдан ортиқча бўлган хизмат автотранспорт воситалари ўрнатилган тартибда сотилиши таъминланади ва амалга оширилган ишлар ҳақида 2026 йил 1 июнга қадар Президент администрациясига ахборот киритилади. Ҳисоб палатаси ва Давлат молиявий назорат инспекцияси давлат буюртмачилари кесимида автотранспорт воситаларини харид қилиш устидан доимий равишда назорат ўрнатилишини таъминлайди.

• Avtotransport
• Ҳокимлик
• tekshiruv