31°
Кечаси 18°
Қирғизистон Республикасининг собиқ президенти Алмазбек Атамбаев эришган барча давлат мукофотларидан маҳрум этилди. Мазкур фармон Садир Жапаров томонидан имзоланган.
Президент администрацияси матбуот хизматига кўра, ушбу қарор 2025 йил 3 июнь куни Бишкек шаҳри Перовмай туман суди чиқарган ҳукмга асосланган. Фармон “Қирғизистон Республикасининг давлат мукофотлари, фахрий унвонлари ва мукофот пуллари тўғрисида”ги қонун ҳамда Конституция талабларига мувофиқ қабул қилинган.
Ҳужжатга асосан, Алмазбек Атамбаев
“Қирғизистон Республикасининг Қаҳрамони” олий даражаси;
II даражали “Манас” ордени;
“Данакер” ордени;
“Данк” медалидан маҳрум этилган. Шу билан бирга, 1999–2017 йиллар оралиғида ушбу мукофотларни беришга оид бир қатор президент фармонлари ўз кучини йўқотган деб эътироф этилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
